Dunida aan ku noolnahay waxaa jira qaanuun kala haga noolaha ku nool kaas oo ah mida rabaani ah kuna qotama quwada Eebe, sidoo kale waxaa jira dastuuro iyo sharciyo ay samaystaan nidaam waliba oo ka jira dunida ha ahaado mid dowli, bulsho, urur, iyo mid qoysba. Hadaba iyadoo taasi jirto waxaa lagama maarmaan ah in la helo, dastuur aas aas u ah ururka waddaniga soomaaliyeed, si loo helo maamul iyo shaqo ku binaysan dastuurka ururka si looga fogaado is qabqabsi iyo kala dambayn la,aan, loona nidaamiyo awoodaha, waajibaadka iyo xuquuqda,taasina waxay ku imaan kartaa in la helo dastuur ama xeer lagu kala hago ururka waddaniga soomaaliyeed.

Iyadoo la eegayo guud ahaan durufaha adag ee ay marayso ummmadda Islaamka gaar ahaan ummadda Soomaaliyeed iyo kaalinta looga baahanyahay waddaniyinta soomaaliyeed, si looga hortago durufahaas iyo kala tagsanaantaas ayaan waxaan aragnay angoo ah ururuka wadaniga soomaaliyeed in aanu ka shaqayno midnimada iyo isu keenidda wadaniyiinta soomaaliyeed, anagoo rajayanyaa in ay taasi mira dhal noqon doonto haddii Alaah uu idmo.

Hadaba waxaa gogol dhig u ah xeerka ururka Diinta Islaamka (Kitaabka Alaah iyo Sunnada Nabiga (N.N.K), wuxuuna laalayaa ururku xeer waliba oo lid ku ah Diinta Islaamka iyo Dhaqanka suuban ee Soomaaliyeed. Howsha ugu wayn ee ururku waxay tahay in la helo waddani soomaaliyeed oo ay dhab ka tahay wadaninimadu kaas oo ka dhiidhinaya dhibaata halakaysay bulshada aanu ka soo jeedno, si loo samata bixiyo inta ka hartay,taasna waxaa lagu gaari karaa in la uruuriyo, wadaniyinta caafimaadka qaba ee ka damqanayaa dhibaatada ka aloolsan dalkeeni hooyo,loona baraarujiyo bulsha weynta soomaaliyeed qaybaheeda kala duwan sida aqoonyahan, culimada, ardayda, hooyooyinka iyo dhalinyarada.

Hordhac
Qodobka 1aad. Magaca ururka

Ururka waxaa layiraahdaa:Ururka waddaniga Soomaaliyeed (U.W.S) ama somali nationalist party

Qodobka 2aad: Qeexida Ururka

Ururkani waa urur waddani ah ayna ku midaysan yihiin waddaniyiin Soomaaliiyeed ee ku kala nool Soomaaliya gudaheeda iyo adduunka Daafihiisa,waxaana ku bahoobay wadaniyiin isku bahaystay waddaninimo,kana madax bannaan qabiil iyo qabyaalad,sidoo kale wuxuu ka madax banaan yahay dhammaan ururada siyaasadeed ee ka jira dalka soomaaliya,waana urur u madax banaan mabaadi'diisa, aayhiisa iyo aragtidiisa u gaarka ah.

Waa urur ku shaqayn doona mabaadi' ku qotomo Sharciga Islaamka,wixii lid ku ahna laali doona. Ururkani ma’aha urur hubaysan mana aha urur milateri, waa urur bulshadeed (civil Society),shaqadeesu tahay Samafal (Humanitarian Organization), wacyigelin iyo baraarujin (Advising and consultation),ururku wuxu qayb weyn ka qaadan doonaa Sixitaanka Siyaasadaha khaldan ee Soomaaliya (Political adjustment),sidoo kale daryeelka bulsha weynta soomaaliyeed ee ku kala daadsan dunida dacaladeeda. Ururkan wuxuu u halgamayaa in uu abuuro Soomaali dhab ah oo Diintiisa Dalkiisa iyo Dadkiisa daacad u noqda, waana urur aan ka shidaal qaadanayn qabiil iyo dano waddamo shisheeye.

Qodobka 3aad: Xarumaha Ururka

UWS. Wuxuu ku talo jiraa ururku inuu u soo guuro gudaha Soomaaliya, hase ahaatii durufaha jira awgood ayaanan suurtaa galinayn,sidaa darteed waxaa ururka xaruumo ku meel gaar ah u noqon doona insha allah meelaha soo socda:-

1- Islamabad: Pakistan
2- Amsterdam Area: Holland
3- Toronto: Canada
4- Mogadisho: Somalia
5- Kampala: Uganda
6- Paris: france
7- Portland Oregon: USA
Qodobka 4aad: Halkudhigga Ururka

Waxaa halkudhig u ah ururkan: Islaamnimo,soomaalinimo, Waddaninimo, Sinaan, Xornimo,istaakulayn,iskaashi,aqoon iyo cadaalad.

Qodobka 5aad: Astaanta Ururka

Waxa ay ka koobantahay goobo lagu nashqadeeyay kalara buluug iyo cagaar ah oo ay xidig shan geesood ahi ku dhaxtaal taas oo ka turjumaysa Soomaalinimo,waxaa ka dhax ifaya goobada shumac shidan,kaas oo tilmaamaya ururka waddaniga soomaaliyeed,waxaa ku xeeran goobada caleemo qoyan oo cagaar ah,oo ka dhigan barwaaqo iyo nabad galyo,hoosta waxaa uga qoran UWS OO u taagan magaca ururka, waxaana ka hooseeya gacmo isi salaamaya oo tilmaamaya Midnimo.
» Click here to continue dastuurka_ururka_1aad