CUTUBKA 3AAD:
QAABDHISMEEDKA URURKA

Qodobka 14aad: golaha guud
Golaha guud wuxuu ka koobanyahay dhamaan xubnaha ururka oo dhan.

Qodobka 15aad: awooda golaha guud
Golaha guud waxa uu awood u leeyahay:-
A. Soo doorashada golaha dhexe marka u dhamaado waqtigoodu ama ay is casilaan si waafaqsan dastuurka ururka
B. soo gudbinta afkaarta wanaagsan iyo ka qaybqaadashada horumarka ururka

Qodobka 16aad: kulamada golaha guud A. isu imaatinka golaha guud ee ururka wuxuu u dhici karaa siyaabo badan sida qadka taleefoonka, paltalkaga ama isu imaansho caadi ah waxa uuna qabsoomayaa:-
1. marka golaha sare codsado
2. marka golaha fulintu codsado
3. marka golaha dhexe codsado
4. tala soo jeedin ay saxiixeen in ka badan kala bar xubnaha ururkku markaasna waxaa waajib ku noqonaya mamulka ururka qabashada kulanka
B kulanka guud waxa uu noqonayaa mid sharci ah marka ay kasoo qayb galaan in ka badan kala bad xubnaha ururku. Laakiin hadii ay jirto kalsooni ka qaadid, ansixin dastuur, ama wax kabadalid dastuur markaas waxaa waajib ah inay joogaan sadex meelood labo (2/3) xubnaha ururka
C kulanka guud waxa uu noqonayaa mid sharci ah tira kasta hajoogtee marka uu qabsoomi waayo kulankii ka horeeyay, kadib markii ay imaan waayeen tiradii sharciga ahayd.
D Dhamaan go'aamada isu imaatinka golaha guud waxaa lagu qaadanayaa marka ay isku raacaan codka ugu badan inta joogta

Qodobka 17: Golaha dhexe ama baarlamaanka
Ururku wuxuu yeelanayaa gola dhexe (baarlamaan) oo ka kooban 30 xubnood oo uu soo dooranayo golaha guud.

Qodobka 18: Awooda Golaha dhexe
Golaha dhexe wuxuu awood u leeyahay:-
A. Soo doorashada gudoomiyaha iyo kuxigeenadiisa
B. Ansixinta iyo meel marinta miisaaniyada ururka
C. Laxisaabtanka golaha fulinta
D. Dajinta xeer hoosaadyada, dhaqan galintiisa, ilaalintiisa iyo waxka badalidooda.
E. Kadoodista warbixinada ay soo gudbiyeen golaha fulinta iyo ka codsiga warbixino gaara marka loo baahdo.

Qodobka 19aad: kulamada golaha dhexe
A. Kulamada golaha dhexe waxay ahaan doonaan bishiiba hal jeer ayakoo hadba u kulmaya sida macquulka ah haday ahaan lahayd via taleefon ama paltalk ama siyaabo kale
B. Golaha dhexe wuxuu qanan karaa shir aan joogto ahayn marka loo baahdo waana inay yimaadaan sadex meelood laba meel (2/3).
C. Golaha dhexe wuxuu go'aamadiisa ku qaadanayaa cod dheeri ah, hadii aanay jirin xaalad kalsooni ka qaadid ah markaas waxaa sharci ah in ay ogolaadaan sadex meelood labo meel xubnaha jooga (2/3).
D. Kulanku golaha dhexe wuxuu qabsoomi karaa marka ay codsadaan golaha sare iyo golaha fulinta
E Kulanka golaha dhexe wuxuu noqonayaa sharci markay yimadan in ka badan kala bar xubnihiisa. Hadii uu yahay mid aan joogta ahayn waa inay yimaadaan sadex meelood 2 meel. Kulanka labaad wuxuu noqonayaa sharci tira kasta hajoogtii hadii kii ka horeeyay qabsoomi waayo tiiradii oo buuxsami wayday darteed

Qodobka 20aad: waayida awooda golaha dhexe a. Golaha dhexe wuxuu awoodiisa waayayaa:-
1. hadii kalsoonida lagala noqdo in ka badan kala bar xubnihiisa ama ay ku waayaan xuquuqdooda sabab kamida sababaha ku xusan qodabka 12aad
2. hadii waqtigoodu dhamaado
3. is casilaad ka imaatay qofka asagoo gacantiisa kusoo qoraya ayna ka aqbalaan golaha sare.
b. hadii uu soo xaadiri waayo laba kulan oo isku xiga haduusan la imaan cudur daar la aqbali karo.
c. Hadii uu is casilo, la casilo ama uu waayo awoodiisa waxaa si ku meel gaara usii wadaya howshiisa golaha sare . wuxuuna qaban qaabanqaabinayaa doorasho mudo bil gudaheed ah.
» Click here to continue dastuurka_ururka_1aad